За време на викендот порталот факултети.мк спроведе анкета за идејата на Министерството за образование и наука за полагање на државнот испит на факултетите.
На прашањето: Дали се согласувате со предлогот на МОН да се воведе државен испит по втора и четврта година на студиите, мнозинството на студенти одговориле негативно.
За неполни 48 часа колку што трае анкетата, бројот на студенти кои не се согласуваат со оваа одлука е значително поголем од оние кои ја поддржуваат. Поточно, од вкупно 3703 само 277 (7%) читатели сметаат дека полагањето државен испит во текот на студиите е праведно, додека останатите 3426 (93%) се против ова и не го прифаќаат.
На порталот се објавени и првичните коментари за оваа одлука донесена од Министерството за образование и наука кои покажуваат дека студентите се револтирани.