Анкета: Скопјани не се задоволни од такси превозот во градот

Од:

Најголем дел од жителите на главниот град на Македонија им дале единица и двојка на такси услугите во Скопје, на скалата од 1-5, во онлајн анкетата на „Макфакс“.

Дури 21.8 отсто или 938 лица дале оценка единица, а 26.8 проценти (1152) такси услугите ги оцениле со двојка. Тројка е оценката што ја дале 39.3% (1687) од лицата кои учествуваа во анкетата.

Само 2.5% (109), односно 9.6% (411), скопските такси компании ги оцениле со петка, односно четворка.

Тоа што најмногу им пречи на жителите на Скопје во такси превозот, се старите и валкани возила, 47.2% (2028) од учесниците во анкетата. За 37.4% (1605) тие се недостапни кога им се потребни, а 15.5% (664) сметаат дека возачите се нељубезни.

Најмногу им пречат старите и валкани возила, недостапноста кога им се потребни и нељубезните возачи.

На прашањето: „Според вас, што би требало да се смени и кои новини да се внесат во услугите на такси-превозот?“, 52,8% или 2269 лица сметаат дека тоа се нови возила. 25.3% (1086) би сакале да се плаќа со картичка, а 21.9% (942) би сакале да нарачуваат такси преку апликација.

Скопјани би сакале нови возила, плаќање со картичка и нарачување преку апликација во такси услугите во градот

Токму претходно наведените оценки, замерки и потреби најверојатно се причина дури 51.3% или 2206 од учесниците во анкетата да не користат такси услуги. 25% (1075) се возат со такси повеќе од 4 пати месечно, а 23.6% (1016) ги користат такси услугите од еднаш до три пати месечно.

Во online анкетата на Макфакс, спроведена од 28. до 31. Јануари оваа година, учествувале 4297 лица.

Би можело да ве интересира

Анкета на ДУИ: Бујар Османи сигурно влегува во вториот круг во изборот за претседател

Орце Костов

Пад на поддршката за членство во ЕУ, само 24 отсто од граѓаните даваат поддршка за уставните измени

Горан Наумовски

(ВИДЕО) И „вмровците“ и „сдсмовците“ ја сметаат Бугарија за најголема закана, а Србија е најголем пријател за граѓаните

Орце Костов

Се помалку Руси ја поддржуваат војната

Горан Наумовски

Анкета: Поддршката за инвазијата на Путин кај Русите првпат паѓа под 50 отсто

А1он

Гаревски испитува за паниката и стравот од битолскиот земјотрес од минатиот месец и скопскиот од 1963

Маја Илиевска-Пачемска