Анима Мунди, Асоцијација на активисти за правата на животните (ААПЖ) и Мали Херои од Битола се шокирани од случката за монструозно изживување врз куче во Битола – негово претепување и фрлање преку прозорец.
Според граѓаните во Битола, локацијата на која се прикажува овој чин е позади Универзитетската библиотека во Битола, на ул. Стево Патако.
Ние Анима Мунди, Асоцијација на активисти за правата на животните (ААПЖ), Мали Херои од Битола, бараме итна истрага – проценка од видео записот за која адреса конкретно станува збор со што лесно ќе се дознае кој е сторителот на ова умоболие. Како станува збор за монструозно дело сторено со умисла инсистираме на најстрога – затворска казна за монструмот, без можност за условни казни со што само ви се охрабриле ваквите деликти во иднина.
Се обраќаме до Битолчани и го повикуваме секој сведок за дополнителни информации – за да ја избегнеме можноста да оваа суровост помине неказнета и заборавена! се вели во реакцијата.