Стојанче Ангелов од „Достоинство“, реагираше на обидите да се минимизираат или подзаскријат сликите од вчерашната прослава на 100-годишнината на албанската држава и албанското знаме.
Намерно, рече, за вооружените лица се велеше дека имаат пластични играчки, а не вистинско оружје.
Покажа фотографија од Струга на која, рече, јасно се гледа човек во маскирна униформа, со реденици и автоматска пушка.
„Ова е типичен претставник на УЧК од 2001 година. Ове е повеќе од провокација. Од МВР бараме да каже кои се овие луѓе, ова не ми изгледа дека е пластична пушка. Затоа ли Груевски побегна од Македонија? Видовме на терен како функционира Голема Албанија“, рече Ангелов.