Партијата Достоинство денеска потсети на 12-годишнината од офанзивата на македонските вооружени сили во Арачиново во обид да се заземе селото откако силите на ОНА прогласија слободна територија.
Лидерот на Достоинство Стојанче Ангелов, кој со сопартијци и соборци го посети споменикот на бранителите во центарот на Скопје, рече дека некогашните припадници на ОНА, денес политичари, еднакво ефикасно, како што нагласи, се борат за својата кауза.
Каква иднина може да очекува држава која вака се однесува кон своите професионални војници кои меѓу другото ја бранеле од нападот на албанските вооружени екстремисти во 2001 година, запраша генералот Стојанче Ангелов.