„Каде бевте храбри ВМРО-вци пред еден месец кога Талат Џафери Ви го рецитираше Ацо Шопов? Каде бевте тогаш да ги кршите Уставот и Законите“, праша пред Собранието, лидерот на Достоинство, Стојанче Ангелов.
Ако не ја одбраневме татковината, со кого ќе владееја тие, како ќе ги делеа тендерти, праша Ангелов.
Додека тој говореше од затемнетите прозори во Собранието, некој ги фотографираше присутните и регистрираше, што се случува надвор.
Присутните пееја „Пазете луѓе, владата ќе паѓа“.
„Македонија има политички затвореник“, Раде Милошевски од Обединети за Македонија, побара да престанат политичките прогони како она што му се случи на Љубе Бошкоски.
Аднан Ќахил од Партијата на Турците порча: „Не сакаме насилство, но со сила ќе одговориме на нивното насилство“.