„Престанете да не злоупотребувате, убедени сме дека се работи за перфидна игра на ВМРО-ДПМНЕ и ДУИ за зголемување на партискиот рејтинг, а не за грижа за бранителите“.
Оваа порака ја упати претседателот на Достоинство, Стојанче Ангелов кој рече дека изјавата на премиерот Никола Груевски на годишнината на Унијата на млади сили на ВМРО ДПМНЕ „Не сум подготвен да го вложам достоинството на цел еден народ како цена некој да го понижува а јас да молчам“, е само политички маркетинг и нема врска со реалноста.
„Грувески дали поднесувањето тужби против воените инвалиди и семејствата на загинатите оди во прилог на македонското достоинство, дали поигрувањето со судбината на македонските бранители оди во прилог на македонското достоинство? Дали е тоа амнестирањето на хашките случаи со ослободувањето на злосторниците или пак преименувањетото на улицте и училиштата со албански екстремисти “?праша Ангелов.
Според него, јасно е дека се работи за игра на двете партии на власт и одолговлекување да не се донесе законот,
„Кога јас го бранев предлог законот за бранителите во 2008. година, комисијата за труд и социјала воопшто не заседаваше, ама тоа не беше пречка да влезе на собраниска седница и да се најде пред пратениците. Сега сме сведоци како Талат Џафери си поигрува со македонското собрание и го понижува македонскиот народ, Мало потсетување, Талат Џафери беше командант на бригада на ОНА под псевдонимот „командант Форина“. Истовремено, беше обвинуван и дека е соработник на тајните служби на ЈНА. Ако Талат Џафери е толку загрижен за судбината на ветереаните на ОНА, нека одвои од неговата плата и нека им даде на некое дете од загинат припадник на ОНА од 2001. година“, рече Ангелов.