На денешната прес-конференција кандидатот за градоначалник, Миле Андонов, заедно со новоизбраните советници од редовите на коалицијата „Сојуз за иднината“, упатија благодарност до сите оние граѓани што го дадоа својот глас и целосна поддршка на СДСМ и коалицијата од „Сојузот за иднината“.
„Исто така да им оддадеме огромно признание на сите кочанчани што го дадоа својот глас за опозицијата и со тоа се изложија на сите ризици и ја искажаа својата храброст и не дозволија да им се фалсификува, да им поткупи или со заканите и притисоците да им биде украден нивниот глас“, изјави Миле Андонов
Од штабот на коалицијата „Сојуз за иднината“ во Кочани, локалните избори ги оценија како нефер, неслободни и недемократски, со што го изгубиле својот легитимитет.
Миле Андонов уште додаде: „Знаевме дека во Кочани изборите ќе бидат мирни, ноне знаевме зошто толку полицајци, алфи, инспектори од Скопје, од Штип и од Виница вчера, на денот на вториот круг од гласањето, беа донесени овде во Кочани.
По 14 часот ни стана јасно. Бевме сведоци како првенците на ДПМНЕ во Кочани се консултираа и постојано со исти возила кружеа низ целиот град и по сите избирачки места заедно со полицајци. Пред 19 часот, со неотворени и непреброени кутии и пред затворањето на гласачките места, ВМРО-ДПМНЕ почнаа да објавуваат дека изборните резултати се во нивна корист“.
Претставниците на коалицијата „Сојузот за иднината“ на крајот од прес-коференцијата порача дека не запираат овдеи ги повикаа сите граѓани на Кочани што се незадоволни од режимот на оваа власт, како на централни така и на локално ниво, да им се придружат за да му се стави крај на овој тоталитарен режим.