Амбасадата на САД денеска организира крводарителска акција и акција за собирање на прехранбени продукти и облека по повод Националниот ден на служба и сеќавање.
Добротворната акција се организира во соработка со Црвениот крст на Град Скопје и Институтот за трансфузиологија.
На настанот најавено е обраќање на американскиот амбасадор Џес Бејли, генералниот секретар на Црвениот крст Саит Саити и директорот на Институтот за трансфузиологија, Кочо Димитровски.
Националниот ден на служба и сеќавање почна да се одбележува во 2002 година во чест на жртвите, преживеаните и сите оние кои помогнаа во справувањето со последиците од нападите на 11 септември. Во 2009 година, Конгресот на САД усвои сојузен закон со кој го прогласи 11 септември за Национален ден на служба и сеќавање.