По вчерашната одлука на Советот на јавни обвинители од предложените 14 членови на тимот на специјалниот обвинител, Катица Јанева, избра само седум, со реакција се јави амбасадата на САД во Скопје.
Еве што стои во соопштението:
„Загрижени сме поради одлуката на Советот на јавни обвинители и ја разгледуваме ситуацијата, пишува во реакцијата на амбасадата на САД во Скопје по одлуката на Советот на јавни обвинители да одобри само седум од 14 кандидати за помошници-обвинители“.
Амбасадата на САД и делегацијата на ЕУ, пред состанокот на Советот на јавни обвинители, излегоа со заедничка изјава, во која стои дека од суштинска важност е Советот да ја изврши својата улога согласно законот за водење на истраги за прислушуваните комуникации и да го именува тимот на г-ѓа Јанева, за да може нејзиното обвинителство да почне да го извршува својот мандат и своите задачи независно и без да трпи каков било облик на политички притисок.