Амбасада на САД: Итно да се поништат помилувањата на Иванов

Од:

Соединетите американски држави бараат итно поништувањето на помилувањата од 12 април.

„Одлуката на Уставниот суд отвара пат за свикување на Собранието за да се откажат изборите на 5 јуни. Ова пак, претставува обновена можност за Собранието и за политичките лидери, да покажат на дело дека се силно посветени на Пржинскиот договор и неговите начела – владеење на правото, одговорност, инклузивност и кредибилни избори. Оваа рамка и понатаму претставува најдобар начин за земјата да излезе од сегашната криза.

Поништувањето на помилувањата од 12 април треба да се направи итно и на начин на кој ќе се зачува начелото на одговорност, ќе се избегне селективна примена на правдата и ќе се неутрализира сериозната загриженост во врска со неказнивоста. Основно демократско начело е дека сите граѓани треба да бидат еднакви пред законот. Политичките партии треба недвосмислено да го поддржат Специјалното јавно обвинителство (СЈО). Непреченото работење на СЈО е клучно за да се утврди одговорноста за можни злоупотреби поврзани со прислушувањата и за надминување на сегашната криза.

Претстојат тешки реформи. Процесот на реформи мора да биде инклузивен и да ги вклучи перспективите на опозициските партии и граѓанското општество. Ваквата инклузивност е клучна за воведување и воспоставување на системот на проверки и рамнотежа, систем што е одлучувачки во демократијата. Соединетите Држави нема да поддржат пристапи што не ги почитуваат овие принципи.

Ветувања за реформи или искази за намера нема да ја вратат земјата на евро-атлантскиот пат. Делата ќе го сторат тоа.“, стои во соопштението што го издаде американската амбасада во Скопје.

Би можело да ве интересира

САД признаа дека убиле петмина наводни „наркотерористи“ во два напада врз бродови во источниот Пацифик

Волстрит журнал: САД ја укинаа забраната на Киев за ракети со долг дострел

Зеленски: Украина нема да ја тргува својата слобода, наместо да вршат притисок врз Киев, потребни се решителни чекори од САД, Европа и Г7

Трамп: Нема да ја загрозувам Америка поради Украина

„Вашингтон пост“ открива: САД вршат притисок врз Киев да направи отстапки кон Москва

ВИДЕО: Американците повторно погодија брод на Кариби, првпат има преживеани