Зелено светло во Комисијата за политички систем и односи меѓу заедниците за предлогот граѓанското здружение „Аман“ за враќање на дневната евтина тарифа на струјата, преку измени на Законот за енергетика.
Комисијата утврди дека о е собран потребниот број потписи и оттаму здружението може да започне со постапка за собирање 10.000 потписи за Предлог законот за изменување и дополнување на Законот за енергетика да биде ставен на дневен ред во Собранието на Република Македонија.
Зорица Димовска, прв потписник на образецот , рече дека причина за иницирање на предлогот биле серијата поскапувања во изминатиов период и правилникот на Топлификација.
Со овој предлог, според „Аман“, е предвидена стратегија за заштита на граѓаните од постојаните поскапувања и монополската поставеност на произведувачите на електрична енергија.
Здружението „Аман“ сега, според Законот треба да поднесе петиција за собирање 10.000 потпис. Потписите , собрани според правилата, ќе бидат доставени до претседателот на Собранието и тогаш предлог-законот ќе се најде пред пратениците.
Но ова не значи и дека ќе биде усвоен законот.
Слична беше судбината на Закон за бранители, кој како иницијатива на Достоинство влезе во процедура, се расправаше за него, но не беше изгласан. Тогаш ВМРО-ДПМНЕ не се изјасни позитивно и не го прифати зЗаконот