– Бидејќи 90% од времето ја злоупотребувате говорницата, барам од вас да ја оставите на мир Тирана. Ако платформата за којашто зборувате беше тиранска, преговорите немаше да ги водите со политичките партии на Албанците во Македонија, туку со официјална Тирана, рече пратеникот Ејуп Алими.
Тој, како и другите пратеници од албанските партии, повторно нагласи дека тој документ е домашен производ и побара и другите партии уште еднаш да го кажат тоа.
– Јас не сум во парламентот на Албанија, туку во македонското Собрание. Уште еднаш ви кажувам, ако беше тиранска платформата, ќе разговаравте на друго место, а не тука, рече Алими.