Припадниците на единицата за борба против криминалот “Алфа“ во текот на септември, при вршење на редовна мотопатролна дејност, вкупно извршиле легитимирање на 642 лица, преглед на 86 возила, а по разни основи привеле вкупно 322 лица.
По основ на телеграма приведени се 39 лица, по основ на Потраги, Гласник, Наредба од Основен суд – 24 лица, под сомнение за извршено кривично дело – 36, по извршено кривично дело исто така – 36 лица, на лице место во вршење на кривично дело – пет лица, за издржување на казна затвор –18 лица, за утврдување на идентитет – петмина, и за недозволени предмети – три лица.
Приведени се 5 лица за учество во тепачка,8 за физички напад и едно лице за омаловажување на полициски службеник.
Исто така Алфите привеле и 1 лице кое поседувало пиштол без дозвола, 3 лица со гасен пиштол и едно лице со автоматска пушка.
Приведени се и 76 лица за поседување дрога, од кои 64 лица за поседување марихуана,4 за поседување на прашкаста материја,3 лица за поседување непознати течности и 5 лица за поседување таблети.
Алфите привеле и неколку лица поради прекршоци во сообраќајот. 35 лица се приведени по телеграма, едно лице поради непоседување соодветна документација, едно лице за сообраќаен прекршок и едно лице за поседување недозволени предмети во автомобилот.
Исто така, припадниците на специјалната единица за борба против криминалот извршиле три асистенции при вршење претрес на дом и други простории каде се пронајдени: огнено оружје и разна растителна материја.
Алфите укажале помош на повредено лице,извршиле спровод на две лица во затвор,предале 12 лица на сообраќајната патрола и предале малолетно лице на родител поизречена мерка од суд.