Телевизијата Алфа повикувајќи се на дипломатски извори, објави дека е можно Македонија да остане без препораката за отпочнување на преговорите со ЕУ.
Причина за ова, според телевизијата е отсуството на политичкиот дијалог.
„Причина според дипломатите, сега не е само спорот со името и притисокот од Грција, туку и цехот што ќе треба да го плати државата поради бојкот на опозицијата на парламентот и целосно отсуство на политички дијалог“, објави Алфа.
Ова според ТВ Алфа се подготвува да влезе во нацрт извештајот, кој треба да биде објавен на 8. октомври, а ќе биде серизоен удар врз угледот на Македонија.
Вакви вести на провладините телевизии се видени повеќепати досега-ќе испадне дека препораката нема да биде одземена, но тогаш веста ќе треба да гласи дека власта повторно ја спасила државата од „неодговорните“ постапки на опозицијата.