Златко Алексовски од здружената опозиција денеска обвини дека актуелниот градоначалник на Битола, Владимир Талески кој како кандидат на ВМРО-ДПМНЕ влезе во вториот круг во трката за истата функција, се служел со валкана кампања.
– За вториот круг, поддршка му дава Зоран Лазаровски – Паљо, кој на својот фејсбук за Талески, меѓудругото има објавено „Е Владе Владе, на Битола ништо ниту му пружи, ниту му даде. Со двете раце грабаш, жедно и земаш од народот кој живее бедно. Сега дури ми е јасно, зошто е Битола толку уништена, а битолчани толку несреќни. Талески патолошки лажи и си верува во своите лаги – изјави во Битола, Алексовски.
Тој јавно го праша Талески како можел да ги голтне сите овие навреди и да ја прифати поддршката од Паљо.
– Дали со ова се потврдија гласините, дека Паљо беше сателит на Талески и беше дел од скоро совршениот систем за манипулација на ВМРО-ДПМНЕ – нагласи Алексовски кој додаде дека ова е само уште една во низата циркуски претстави, што ги приредила оваа власт.