За време на вчерашната еднодневна посета на Охрид, претседателот на Република Албанија, Бајрам Бегај, остварил средба со лидерот на Демократската унија за интеграција, Али Ахмети.
Во објава на социјалните мрежи, претседателот Бегај го пофали придонесот на Албанците во Северна Македонија како одлучувачки фактор во процесите на градење на државата и во поддршката на евроатлантскиот курс на земјата.
-Секогаш е задоволство да се сретнеме и да споделиме мислења со Али Ахмети. Албанците во Северна Македонија се одлучувачки фактор во градењето на државата и непоколебливи поддржувачи на евроатлантскиот пат на земјата, секогаш демонстрирајќи посветеност на мирот, стабилноста, соживотот и демократските вредности, напиша претседателот Бегај.