Албанскиот колега Ручи му го честита на Талат Џафери изборот за претседател на Собранието

Од:

Претседателот на албанскиот парламент Грамоз Ручи, му го честиташе повторниот избор за спикер на Собранието на Република Северна Македонија на Талат Џафери, оценувајќи дека тоа е потврда за зрелоста и еманципацијата на албанската политичка елита во Република Северна Македонија.

„Ви упатувам најсрдечни честитки по повод вашиот реизбор, од мое лично и од име на Собранието на Република Албанија. Вашиот реизбор претставува потврда за зрелоста и еманципацијата на албанската политичка елита во Северна Македонија и нејзината одговорност за консолидација на демократијата, изградбата на праведно општество, економски и општествен развој и забрзување на евроатланските интегративни процеси на Северна Македонија,“ стои во честитката од Ручи.

Тој изразува увереност дека зголемувањето и зајакнувањето на политичката застапеност ќе служат за подобрување на благосостојбата и поттикнување на проширување на вклученоста на Албанците на сите нивоа и институции во нашата земја.

„Исто така, убеден сум дека многу успешната соработка помеѓу Собранието на Република Албанија и Собранието на Република Северна Македонија ќе продолжи многу наскоро и со задоволство ве поканувам во официјална посета на Албанија, што е можно поскоро и во согласност со вашата агенда,“ наведува Ручи во честиката до Џафери за неговиот реизбор.

Џафери во посета на Албанија беше на 17 февруари минатата година, во рамки на разгледувањето на Протоколот за пристапување на Северна Македонија во НАТО во албанскиот Парламент. Тој тогаш имаше средба со неговиот колега Ручи, а учествуваше и на пленарната седница на албанскиот Парламент, на која беше ратификуван Протоколот за пристапување на Македонија во НАТО.

Би можело да ве интересира

Муцунски: Ќе гласаме за мерките од петтиот пакет, нудиме неколку термини за седницата

Катерина Павлова-Николовска

Пратеничката на СДСМ со микрофонот: Не се бркавме, јас бев физички нападната од Мицевски

Кристијан Ландов

Костадинова: Мицевски нападна пратеничка, тој е дел од насилничката матрица на ВМРО-ДПМНЕ

Катерина Павлова-Николовска

Џафери свика состанок на претседателството на Собранието

Катерина Павлова-Николовска

Стопанската комора апелира пратениците во текот на денот да ги донесат законите од петтиот пакет мерки

Инаетењето во Собранието го држи под блокада петтиот сет мерки

Катерина Павлова-Николовска