Во акција на полициската станица Гостивар откриени и одземени се три кеси со марихуана со тежина од околу еден килограм. По акцијата, како што информита СВР Тетово, приведени се шест лица.
Дрогата е откриена вчера попладне во подрумски простории на објект во изградба на крстосницата на улиците „Мара Угринова“ и „Гоце Делчев“. Пет од приведените, државјани на Република Албанија, го користеле просторот како привремено живеалиште.
По извршениот разговор е утврдено дека 22-годишниот Л.К., 21-годишниот Љ.Ш. и 23-годишниот Л.С. немаат регулиран престој и се задржани, а 25-годишниот Ф.Е. и 19-годишниот М.В. се пуштени. Приведен бил и сопственикот на објектот 49-годишниот С. З.
Дрогата во Македонија ја внел Л.К. и допрва ќе се утврдува за кого била намената. Сите петмина албански државјани биле дојдени во гостиварско како економски емигранти. По целосното расчистување случајот ќе следуваат и соодветни пријави.
