Советничката група на СДСМ од Советот на Општина Центарна прес конференција на која недостасуваше Мирослав Шиповиќ, најави дека ќе се спротивстави на дивеењето на урбаната мафија, како што рекоа, предводена од ВМРО-ДПМНЕ.
„Се покажа дека процесот против Шиповиќ бил со единствена цел, насилно преземање на советот и на власта во Општина Центар. Се потврди дека Никола Груевски и ВМРО-ДПМНЕ се подготвени на се, кога се во прашање нивните милионски бизниси“, рече Игор Алаџајков координатор на советничката група на СДСМ и коалициските партнери.
Според него насилието на ВМРО-ДПМНЕ ќе резултира со усвојување на противзаконски планови.
„Тие на ВМРО-ДПМНЕ ќе им донесат бизниси од 630 милиони евра на сметка на животот и здравјето на скопјани. На спорната парцела на Водно само за да ги задоволат своите бизнис апетити ќе градат 10-катница. Иако за истата таа парцела постои документ од Институтот за земјотресно инженерство дека е ризична град и од само еден кат“, рече Алаџајков, потенцирајќи дека за ова одговорноста ќе биде на ВМРО-ДПМНЕ.