„Очекуваме во текот на декември да ја добиеме градежната дозвола, по што веднаш ќе поставиме и камен темелник, изјави Ратко Капушевски, директорот на спортскиот центар „Борис Трајковски“ во Скопје.
За реализација на оваа инвестиција кој ќе отвори нови 36 работни места, ќе бидат потребни четири месеци.
„Ако општина Карпош не ја издаде дозволата, тогаш ќе се оди на второстепена постапка според која одобрението за изградба го издава министерот за транспорт и врски. Сепак очекуваме дека во декември се ќе биде во ред и дека ќе ја добиеме градежната дозвола“, изјави Капушевски на вчерашната отворена седница на Владата.
Градоначалникот на Карпош неодамна изјави дека нема пречки за изградбата на Аква парк, дека сите дозволи се донесени, но беше скептичен дека Владата воопшто ќе влезе во реализција на тој проект.