Жителите на населбата “Мало Курило“ на Водно, се жалеа на шутот, ѓубрето и наносите во каналот, на дефектот на електричната мрежа. Жителите на улицата “Партенија Зографски“ имаа проблем со паркирањето, по отворањето на угостителски објект.
Градоначалникот на општина Центар, Андреј Жерновски, заедно со соработниците, вчера беше во обиколка на оваа населба и улицата за да разговара со граѓаните, да ги чуе нивните проблеми и заедно да изнајдат решенија.
Денеска, стручните служби на општината го исчистија каналот, се санира дефектот во електричната мрежа и ќе се постави и постави дополнително улично осветлување. Поради положбата на улицата „Загребска“ и константната опасност од излизгување на пешаците, ќе се постави ограда – држач на улицата.
Жителите на улицата “Партенија Зографски“ ќе бидат заштитени од узурпација на нивните дворни места и пристапни делови до куќите, со поставување на столбчиња, кои ќе имаат за цел да го спречат паркирањето на возилата од околниот угостителски објект.
.