Врховниот суд објави оглас за доделување јавна набавка за годишна софтвер-претплата, постгаранциска и тековна поддршка на хардверската и системската инфраструктура за функционирање на АКМИС-системот во судовите во Македонија.
Набавката е за период од 12 месеци, а огласот е објавен денеска на електронскиот систем на Бирото за јавни набавки. Проценетата вредност на набавката е над 56 илјади евра без ДДВ.
Станува збор за системот за распределба на судските предмети во судовите во Македонија. Договорот за годишната системска претплата истекол во јули 2016 година, а тригодишниот гарантен период за серверите за виртуализација истекол во април 2017 година. Критериум за доделување на договорот е најниската цена.
Јавното обвинителство осомничи судии дека делеле предмети на рака и го заобиколувале АКМИС-от. Истрагата сè уште трае.
Васко Маглешов