Вкупно девет женски лица од кои три албански државјанки на возраст од 19, 24 и 27 години, шест македонски државјанки биле откриени при акциската контрола што изминатата ноќ од 2 до 3 часот била спроведена во угостителскиот објект „Ерди бос“ на регионалниот пат Желино-Сиричино, сопственост на Ј.Ф. (38) од Желино информираше денеска портпаролот на СВР Тетово Марјан Јосифовски.
Како што информира девојките биле ангажирани како танчарки, а при контролата трите албански државјанки се обиделе да избегаат, но биле спречени во тоа по што биле приведени и задржани во СВР Тетово од каде се предадени за натамошна постпка на Отсекот за прекуграничен криминал, миграции, странци и реадмисија за натамошна постапка.
Се преземаат мерки и активности за целосно расчистување и документирање на случајот.
Контролата е дел од планираните акциски контроли за откривање и законско санкционирање на странски државјанки кои непријавено престојуваат или го злоупотребуваат престојот и работат на подрачјето, рече Јосифовски.