Општина Кочани и Комуналното јавно претпријатие „Водовод“ покренуваат заедничка акција за почист град и почиста околина за живеење.
За таа цел во подготовка е голема собирна акција на кабаст одпад, бела техника, стар мебел и одпад со поголема зафатнина, со цел тој да се отстани од домовите и депонира на одредено место во градот Кочани.
– Акцијата ќе ја спроведеме на 25 и 26 август, а собирните пунктови ќе бидат кај Спомен домот АСНОМ, на улицата „Скопска“ кај градскиот панаѓур и кај Железничката станица, изјави Венцо Бојков,од општина Кочани.
Во акцијата можат да се вклучат и граѓани кои имаат одпад со поголема зафатнина и тие треба да се јават во Комуналното јавно претпријатие „Водовод“ од Кочани за навремено преземање и депонирање на соодветно место.
Со оваа акција општинските власти настојуваат градот Кочани и понатаму да остане чиста средина за живеење и посакувана дестинација за голем број жители од сосоедните градови на земјата.