Жителите на скопската населба Карпош 4 обележаа и оградија еден од парковите кој според предлог ДУП-от за оваа населба треба да се претвори во паркинг.
Со таблички со еколошки пораки, како и со лента која физички го обележува просторот што според планот е предвиден за паркинг простор, граѓаните го изразија своето несогласување со овој план.
Оваа граѓанска акција има за цел да ја крене свеста кај жителите на населбата за точната локација на местата каде што се предвидени паркинзи и згради во населбата, како и за сериозните еколошки и инфраструктурни последици што следат доколку се донесе и реализира овој ДУП.
Граѓаните треба со оваа акција да сфатат дека и сегашното загадување уште повеќе ќе се зголеми со реализација на овој план.
