Денеска, на булевар „Партизанска“ во близина на основното училиште „Тошо Арсов“, во Штип се бараше Тор од планетата Азгард.
Коцките на овој дел од булеварот се пропаднати, изгледа како кратер на патот или како овде да паднал чеканот на Тор, велат од Штип Арт Активизам.
„Ги повикуваме надлежните власти да ги санираат проблемите на овој дел од булеварот и соодветно да бидат поставени заштитни мерки, знаци, табли, зебра за пешаци, што ќе доведе до поголема сигурност за возачите, учениците и пешаците.
Акцијата „СЕ БАРА ТОР ОД ПЛАНЕТАТА АЗГАРД“ е дело на група уметници и активисти од Штип, а е поттикната од инфраструктурните проблеми во овој дел од градот“, се вели во соопштението на Штип Арт Активизам.
