Ахмети: Немам контакт со Груби и немам детални информации каде се наоѓа

Од:

Лидерот на Демократската унија за интеграција, Али Ахмети вели дека нема детални информации каде e Артан Груби, откако беше јавно повикан да каже каде се наоѓа по неговата вчерашна изјава дека е на албанска територија.

– Лично немам контакт со Артан Груби и немам детални информации каде актуелно се наоѓа. Мојата изјава во текот на вчерашниот ден е базирана на тоа што е јавно изјавено од претставници на Владата, но исто така и од фактот дека тој легално си ја поминал границата Македонија – Косово. Верувам силно дека секој граѓанин, вклучувајќи го и господинот Груби заслужува правичен и неселективен судски процес далеку од селективна апликација на правото, изјави Ахмети.

Премиерот Христијан Мицкоски денеска рече дека се надева оти Обвинителството ќе го повика лидерот на ДУИ Али Ахмети кој, како што пренесоа вчера косовските медиуми, изјавил дека поранешниот вицепремиер Артан Груби се наоѓа на албанска територија и дека ќе се врати во земјава само ако нема одмазничка и селективна правда.

Би можело да ве интересира

ВЛЕН: Ништо повеќе не зависи од Али Ахмети, неговиот авторитет е целосно разнишан

Горан Наумовски

Касами: ДУИ ќе ги загубат следните избори

Ахмети: Со ЕУ и САД заедно ќе се бориме против корупцијата

ВЛЕН: ДУИ да го почне ветингот од својот претседател

ДУИ стартуваше со реформи и ветинг во своите редови

Ахмети: За да има владеење на правото и граѓаните да имаат доверба во институциите неопходно е да имаме ветинг