Али Ахмети и Мендух Тачи, можеби се лути противници по политичките ствавови, но во едно се согласуваат. Имаат други обврски, а работата во Собранието им доаѓа како хоби, ама и тоа хоби како да не им се виде интересно изминатите 6 месеци, па упорно го заобиколувале.
И Тачи и Ахмети, ниту дошле на седница, а не пак да дикутираат. Но затоа за секое отсуство редовно се пријавувале. Па така имаат и најмногу оправдани отсуства, што значи платата редовно и цела им легнувала на трансакциска сметка.
Ова го покажа истражувањето објавено во извештајот „Мојот пратеник“.
Само 17 од 123-та пратеници присуствувал на сите седници.
Меѓу редовно оправдани се и Рафет Муминовиќ и Фијат Цаноски.
Но меѓу пратениците има и такви кои доаѓале, седеле во салата, но ниту дебатирале, ниту предложиле амандмани, ниту поставувале пратенички прашања. 28 од 123-та биле неми.
Изет Зеќири од НДП е пратеник со најмногу дискусии и реплики. Меѓу најактивните се и Јани Макрадули, Марјанчо Николов, Игор Ивановски од опозицијата и Илија Димовски и Силвана Бонева од мнозинството.
Најмногу процедурално реагирала Весна Бендевска од СДСМ. Јордан Пачков од ВМРО-ДПМНЕ и Горан Сугаревски од СДСМ поставиле најмногу пратенички прашања.
Горан Сугаревски е незадоволен од одговорите на Владата, а Миле Пачемски дава оценка 4 за работата на законодавниот дом.