Рамиз Мерко и дефинитивно нема да биде кандидат на ДУИ за градоначалник на Струга на престојните локални избори. На консултативен состанок на партијата денеска и официјално била потврдена одлуката на Централното претседателство во Мала Речица пред три дена. Актуелниот пратеник Арбен Лабуништа влегува во градоначалничката трка за Струга и е наследник на неговиот сопартијец Мерко.
После консултативниот состанок одуката на партијата им била соопштена лично и на сите кандидати кои влегоа во потесниот круг. Како што дознаваме од партиски извори одлуката на Мерко, лично телефонски му ја пренел лидерот на ДУИ, Али Ахмети, а при изборот на кандидати не биле земани во предвид само предлозите на месните подограноци туку и многу други фактори велат партиски извори за А1.
На состанокот било разговарано и за реакциите на дел од членството кое преку писмо вчера побараа од Ахмети кандидат за Струга да биде Мерко и оти само со него загарантирана била победата на ДУИ во Струга. Како што дознаваме од партиски извори, истите биле експресно одбиени, а одлуката била прогласена како конечна. Официјализирани биле и имињата за кандидати за градоначалници во останатите општини.