Агенцијата за електронски комуникации – финансиер на Панорамското тркало годинава нема да донира пари на сметката на ЈСП за изградбата на овој проект. Од АЕК изјавиле дека вишокот на средства ќе ги употребат за други цели.
Владата пред неколку дена ја повика АЕК да престане да ја финансира изградбата, но од оваа институција не појаснуваат дали нивната одлука е донесена поради ова барање.
Од ЈСП пак тврдат дека како инвеститор се обврзани да го реализираат проектот, но не одговорија дали доколку АЕК не им ги префрли остатокот од парите ќе ја завршат изградбата и од каде ќе обезбедат средства.