Адвокатите од Кавадарци и Неготино од вторник нема да работат. Одлуката ја донеле на денешниот состанок на адвокатскитее заедници во двата града, пишува порталот дума.
Од вторник нема да ги посетуваат судовите и другите органи и институции во земјава.
Во писменото образложение адвокатите наведуваат неколку причини меѓу кои нејасен и неприменлив Закон за адвокатска маркичка и правилник за нејзина примена. Адвокатите сметаат дека законот бил дискриминаторски и важел за поединци, а не и за адвокатски друштва. Сметаат дека законот ги дискриминира поради тоа што се бара однапред да платат персонален данок за приходи за кои не знае дали ќе ги остварат, но и поради тоа што не е јасно во колкава висина би се оданочувале приходите според адвокатската тарифа, без притоа да бидат одбиени материјалните трошоци.