(ВИДЕО) Адвокатот на Јовановски: Очекувана беше оваа брутална казна која не се заснова на докази

Од:

Сашо Дуковски, бранител на осудениот Бојан Јовановски-Боки 13 вели дека пресудата која ја донесе судечкиот совет е без докази, а казната затвор од девет години била очекувана. Дуковски посочи дека постапката нема да заврши тука и најави жалба на пресудата.

Според него, ако Јовановски ги зел парите, сигурно ќе бил снимен со нив од камерите и веднаш уапсен.

„Денешната пресуда беше очекувана. Ние од почетокот на овој судски процес знаевме дека ќе биде ваква брутална казна. Оваа пресуда најмалку се заснова на докази, всушност, нема докази. Вие бевте сведоци, барем тие новинари кои што го пратеа судењето, видовте дека нема изготвено вештачење, воопшто нема изготвено вештачење. Судот во образложението на денешната одлука за вина се повикуваше на некакви докази. Што гледате вие како обичен конзумент од таа снимка? Гледате 3,5 секунди едно купче од пари и потоа гледате еден лик како да носи перце во рацете, носи една ташна. Дали вие знаете дека за најобичните предмети кои ги има ширум судовите во државава, за најобичен поткуп од 50 евра на сообраќаен полицаец, се обележуваат парите и се фаќа. Дали вие мислите дека доколку тоа навистина така се случило, Бојан Јовановски не би бил снимен од камерите и веднаш уапсен? Ова е една конструкција почната од самиот почеток, со голема помош на соизвршителот кој влегува и излегува од притвор кога и како сака. Има двоструки аршини“, рече Дуковски.

Коментирајќи го продолжениот притвор за Јовановски, адвокатот Дуковски направи споредба со случај во Америка каде обвинет за убиство излегол од притвор со кауција, по што искоментира:

„Америка не знае што е право, а ние си имаме посебно право само за нас“. Мене не ми е јасно на какви докази се повикува. Но тоа е тоа. Овде не завршува нашата борба и мислам дека не е фер на крајот кога беше споменато дека судот во Стразбур била одбиена времената мерка. Судијата требаше да дополни дека времената мерка е навистина одбиена, но прифатена е апликацијата. Во врска со мерката притвор, сите сте сведоци дека во Америка изби граѓанска војна за кривично дело убиство кое цел свет го виде, кое што е неколку пати потешко кривично дело од ова. Обвинетиот излезе од притвор за три дена со 750 илјади евра гаранција. Споредувајќи го стандардот во Америка и нашиот стандард, се работи за максимум 100 илјади евра. Ние понудивме кауција 146.000 евра, но тоа не беше доволно. Значи, Америка не знае што е право, таму не владее правна држава, ние си имаме посебно само за нас познато право и затоа по 11 месеци треба да го држиме обвинетиот по секоја цена во притвор. Особено, во ситуација покрај двајца други од истиот предмет на кои им се определени поблаги мерки, а кон него нонстоп се определува потешка мерка“, додаде Дуковски.

Би можело да ве интересира

Нова снимка за Мицкоски: Се борам да ваквото СЈО не помине, автоматски неговиот најголем предмет, тој ‘Империја’

Кристијан Ландов

Нова аудио бомба открива дека Мицкоски се среќавал со Орце Камчев: Мене ме имаат сликано како влегувам таму

Ландов

Дуковски: Јовановски поднесе кривични пријави за измама, изнуда, лажен исказ, можеби торутира и несовесно лекување

А1он

Бојан Јовановски поднесе пријави во Обвинителство

Ана Ололовска

Јовановски бара во четврток да биде однесен во обвинителството за да пријави криминал од одредени лица

Затворски казни од девет и седум години за „Рекет“, незадоволни и одбраната и обвинителството

Ана Ололовска