Аднан Џаферовски можен нов директор на Финансиска полиција: Немам разговарано за таа работа, би ја прифатил функцијата

Од:

Аднан Џаферовски најверојатно ќе биде предлогот на СДСМ до Владата, за в.д. директор на Управата за финансиска полиција, дознава „А1он“. Во внатрепартиските калкулации кој да го наследи Арафат Мауреми, откако тој и јавно обзнани дека се повлекува од функцијата, Џаферовски ја добил поддршката од сопартијците.

dobivaj vesti na viber

Засега за ова нема потврда од СДСМ, а ниту став од Владата бидејќи се уште не е состаната кадровската комисија по која предлогот преоѓа на владина седница.

„А1он“ го исконтактира Џаферовски, кој вели дека не е известен дека е предлог за в.д. директор, но вели дека доколку тоа се официјализира, би ја прифатил функцијата.

„Никој ме нема повикано да разговараме за таа работа. Јас ги исполнувам сите услови за таа позиција. Би ја прифатил функцијата, но не сум известен“, вели Џаферовски во кратка изјава за „А1он“.

Џаферовски беше директор на Дирекцијата за заштита и спасување. Дипломирал на Факултетот за политички науки и меѓународни односи, а специјализирал бизнис и менаџмент. Тој беше член и на Извршниот одбор на СДСМ.

Би можело да ве интересира

Финансиската полиција поднесе кривична пријава против обвинителите кои беа дел од претресот минатиот месец

Катерина Павлова-Николовска

Финансиска полиција го враќа ударот: Поднесена претставка до Јовески против Русковска, претресот бил неоснован

Маја Илиевска-Пачемска

Тивка војна меѓу Обвинителството и финансиската полиција: Русковска ја претресла архивската книга на Управата

Маја Илиевска-Пачемска

Обвинителството прави претреси во Финансиската полиција, директорот Муареми со исклучени телефони

Кристијан Ландов

Кривична против експретседателот на ДИК Оливер Деркоски за набавката на софтверите

Ана Ололовска

47.095 евра, 603.000 денари и 250 швајцарски франци заплени Финансиската полиција при претрес на дом на лажен адвокат

А1он