Во рамките на Европската недела на мобилност, десеттина вработени од општина Карпош, беа дел од Велосипедското дефиле кое се одржа по булеварите во главниот град.
Мотото на овогодинешната акција е „Во град без мојот автомобил“ во организација на Град Скопје. За почисто Скопје се залага секој граѓанин, па така на големото дефиле учествуваа повеќе од илјадници велосипедисти.
Во периодот од 16-22 септември, кога и трае Европската недела на мобилност, во Скопје беа реализирани повеќе активности под мотото „Алтернативна мобилност“ и „Патувај зелено“. На денешното велосипедско дефиле, кое се движеше од „Порта Македонија“, бул. „ВМРО“, бул. „Партизански одреди“, бул. „Илинденска“ а кое заврши во градскиот парк на „Школка“ со музички хепенинг. Патеката беше во должина од 8,2 километри а нашите општинари ја извозија за помалку од 30 минути.