Граѓаните се поделени во однос на тоа дали по седум години од формирањето на првата влада на Никола Груевски, тој и неговите соработници успеале да го подобрат животот, покажуваат резултатите од истражувањетто на неделникот „Фокус“, спроведено од Агенцијата „Рејтинг“.
Во анкетата, 52,6 проценти од испитаниците прашани дали во изминатите седум години, општата состојба во Македонија се поправила или влошила, оцениле дека работите одат на полошо или дека состојбата не се променила, додека 47,1 насто од граѓаните сметаат дека се врви кон подобро.
Сепак, поголем број од испитаниците, веројатно, не сметаат дека каков било проблем би се решил на предвремени избори, па затоа 60,3 проценти од граѓаните се против предвремени избори, додека за 31,1 процент, таму го гледаат излезот.
Телефонската анкета врз репрезентативен примерок од 1560 испитаници, за неделникот Фокус ја спровела Агенцијата Рејтинг во текот на првата недела од септември.