Четириесет и четиригодишна жена е тешко повредена откако скокнала од кат од куќа, во која претходно избил пожар. Како што информира МВР, вчера на улицата „Славеј Планина“ настанал пожар во две куќи.
Повредената жена веднаш била пренесена во Градската општа болница „Св.Наум Охридски“ за укажување лекарска помош.
Од екипи на Бригадата за противпожарна заштита пожарот бил локализиран и извршен бил увид на местото на настанот од увидна екипа од СВР Скопје.