На избирачко место 1338 во општина Охрид се делеле по две гласачки ливчиња, за претседател и за градоначалник, а гласачите се потпишувале само на изводот на избирачкиот списокот за локалните избори.
Членот на Државната изборна комисија, Радица Ристеска кажа дека станува збор за избирачко место во селска средина каде според неа станува збор за ненамерна грешка бидејќи откако забележале од избирачкиот одбор се коригирале. Таа побара да се пребројат јавно гласовите за кандидатите за претседател за да се воочи разликата, зошто има 42 потписи на списокот, а 82 гласачки ливчиња во кутијата за претседател.
Забуната, како што рече таа, настанала поради двојните избори во Охрид, за градоначалник и за претседател.
Од ДИК констатираа дека има вкупно 82 ливчиња од кои 23 за Пендаровски, 1 за Река и 51 за Сиљановска и 7 неважечки ливчиња.
Приговорот беше прифатен, а гласањето поништено.
Галена Николовска-Ризвановиќ