Повторно ќе се наплаќа за паркирање во Охрид и оваа туристичка сезона.
Но, наместо 50 денари за еден час како што беше до пред само една недела, цените за паркирање во Охрид ова лето ќе бидат пониски.
Градот ќе биде поделен на две зони за паркирање, зона А и зона Б. Зона А го опфаќа централното градско подрачје, улицата „Македонски просветители“ наспроти маркетот Тинекс, „Кеј Маршал Тито“ до хотел Палас, додека останатите улици со кои стопанисува градот ќе биде Зона Б.
Во центарот на градот цената за паркирање ќе биде 40 денари за парвиот час, додека 30 денари за вториот и третиот час.
Во зона Б, за првите два часа ќе се наплаќа 30 денари, додека понатаму 20 денари. Од Јавното претпријатие „Билјанини извори“ од советот на општината ќе побараат да се прошири зоната А за паркирање.
Мики Трајковски