Четиригодишно девојче од селото Моране загина во сообраќајна несреќа кога во неа удрил мерцедес со скопски таблички.
Полицијата денеска соопшти дека несреќата се случила вчера во 13:30 часот на улицата „Цветан Димов“. Мерцедесот го управувал 62-годишниот Б.Б. од Скопје.
Повреденото девојче е пренесено во Градската општа болница „Св. Наум Охридски“, каде по укажаната лекарска помош, во 21:30 часот починало.
По незгодата возачот Б.Б. бил лишен од слобода поради постоење основи на сомнение за сторено кривично дело „тешки дела против безбедноста на луѓето и имотот во сообраќајот“. Тој е задржан во полициската станица Бит Пазар, а денеска ќе биде изведен пред надлежен судија.
Во врска со настанот бил повреден и еден полициски службеник кој се лизнал при обид да спречи лица да го нарушат јавниот ред и мир. Тој бил префрлен во Градската општа болница „Св. Наум Охридски“ каде му се констатирани телесни повреди.