4-годишно дете од Кавадарци почина во петокот попладнето на Детската клиника во Скопје од дизентерија, откако на клиниката било донесено околу 13 часот во тешка состојба без свест и целосно дехидрирано.
Како што јави Сител, родителите обвинуваат за лекарска негрижа, а директорката на детската клиника Аспазија Софијанова вели дека детето било прифатено на интензивна но во многу тешка состојба без свест и дехидрирано.
Поради фактот што дизентеријата е меѓу најзаразните болести, директорката Софијанова наложила целосна дезинфекција на клиниката за детски болести.