Собранието на Република Македонија во рамки на 39. седница денеска донесе неколку закони, а почна расправата и по закони во прво читање. Седницата ќе продолжи утре напладне.
Пратениците ги изгласаа измените и дополнувањата на Законот за Царинска тарифа, дополнувањето на Законот за иновациската дејност, измените и дополнувањето на Законот за животната средина, на Законот за комуналните дејности, на Законот за превоз во патниот сообраќај, на Законот за јавните патишта, на Законот за градење, на Законот за просторно и урбанистичко планирање и други.