Во сообраќајна несреќа што се случи рано утрово на автопатот Нови Сад-Суботица, државјанин Македонија загина, додека друг се здоби со тешки телесни повреди, потврдија од Полициската управа на Суботица.
Возило „КИА“ со македонски регистарски таблички, кое се движело по автопатот кон Хоргош, излетало од патот, а потоа се превртело.
Во несреќата загинал сопатникот Н. А. (39), додека возачот А. А. (60) бил тешко повреден и пренесен во болницата во Суботица, каде што ја прима потребната медицинска помош.
Сообраќајната полиција и обвинителот на Основното јавно обвинителство во Суботица биле на местото на настанот.
Полицијата во Суботица наведува дека против возачот ќе биде поднесена кривична пријава за тешко дело против безбедноста во јавниот превоз.