Дваесет и четири годишно момче починало вечерва во Кисела Вода додека играло фудбал. Момчето се пожалило дека му е лошо и паднало на земја, по што веднаш била повикана брза помош.
Лекар, кој бил присутен во близина се обидел да му пружи прва помош, но момчето не покажувало знаци на живот.
Лекарите од итната медицинска помош се обиделе да го реанимираат момчето, но тоа и понатаму не покажувало знаци на живот, по што констатирале смрт.
Извршен е увид од страна на скопската полиција и се чека јавен обвинител да даде насоки дали телото ќе биде дадено на обдукција, потврдуваат од полицијата за „А1он“.