Инспекторите на Државниот инспекторат за труд, излегоа на терен.
Издадени се 24 решенија за забрана на работа и 7 решенија за констатирани недостатоци од Закон за безбедност и здравје при работа поради утврдена непосредна опасност по здравјето на вработените заради високи температури и зголемено УВ зрачење.
До 14 часот извршени се 77 инспекциски надзори од областа на безбедност и здравје при работа на територијата на Република Македонија, од кои 73 редовни и 4 контролни.
Надзорите продолжуваат и утре и доколку се утврди непочитување на забраните ќе следуваат и прекршочни пријави од трета категорија во висина од 5.000 до 8.000 евра за правниот субјект и 500 до 1.000 евра за одговорното лице на правниот субјект.
Исто така, за утврдени други недостатоци и непреземени мерки согласно со Законот и подзаконските акти, ќе се изрекуваат соодветни прекршочни пријави“, велат од Министерството .