Тешка кражба е извршена синоќа во продавица на „Нептун“ во Велес во која непознат сторител украл 22 лап-топ компјутери, разни марки и модели.
Непознат сторител вчера во периодот од 20:30 до 4:30 часот извршил тешка кражба на тој начин што со употреба на подесен алат ги отстранил катанците од влезната врата на продавницата, го искршил стаклото, влегол внатре и ги одзел 22 лап-топ компјутери, по што го напуштил местото на настанот.
Во истиот временски период извршено е и кривичното дело „одземање патничко моторно возило“.
Одземено е „Фиат Уно“ со велешки регистарски таблички, сопственост на С.П. од Велес кое било паркирано во непосредна близина на наведената продавница.