Трите крајезерски града Охрид, Струга и Подградец го одбележуваат денот на Охридското Езеро кое е под заштита на УНЕСКО.
До недела во Охрид и Струга ќе се одржува манифестацијата „Излезете надвор, доживејте го нашиот регион“.
На овие манифестации ќе учествуваат туристички работници и угостители, занаетчии, производители на здрава храна.
Организацијата е на Туристичкиот кластер на Југозападна Македонија ЕДЕН, заедно со Центарот за развој на Југозападниот плански регион, Занаетчиската комора на Република Македонија и Локалните самоуправи на општините.
Целта на саемите на отворено, е да се презентираат можностите за активен одмор во југозападниот дел на Македонија, во кои покрај Охрид и Струга, опфатени се и општините Вевчани, Вранештица, Дебар, Дебрца, Другово, Зајас, Осломеј, Kичево, Македонски Брод, Пласница и Центар Жупа.