Во раните утрински часови, околу 03:15, на патот Битола – граничен премин Меџитлија се случила тешка сообраќајна несреќа во која животот го загуби 19-годишно момче од село Егри.
Од СВР Битола велат дека несреќата се случила пред куќа во селото Егри, а возачот Г.Р , роден 1994, починал на самото место.
„Возачот Г.Р. управувал патничко моторно возило марка Опел корса со битолски регистарски таблички. Сообраќајната незгода се случила на тој начин што возачот што управувал со патничкото моторно возило изгубил контрола над возилото, преминал на левата страна од коловозот, па потоа на десната страна, каде што удрил во дрво, по што возилото се превртело и удрило во ограда од дворно место“, потврди Магдалена Димитровска, портпарол на СВР Битола.
На местото на несреќата излегле истражен судија и јавен обвинител од Битола, а причините за смртта ќе бидат познати по обдукцијата.