19-годишен гевгеличанец загина во сообраќајна несреќа што се случила на патниот правец Стар Дојран-Нов Дојран, информира Министерството за внатрешни работи.
Како што соопшти МВР, денеска, по полноќ во 00:50 часот било пријавено дека на патниот правец Стар Дојран-Нов Дојран, патничко моторно возило „опел мерива“ со гевгелиски регистарски ознаки, управувано од 20-годишниот И. М. од Гевгелија, излетало надвор од коловозот.
Во незгодата на местото на настанот починал сопатникот, 19-годишниот И. П. од Гевгелија, а со повреди се здобиле И. М. и сопатникот В. С. од Гевгелија констатирани во Општата болница Гевгелија.
Извршен бил увид од Јавен обвинител и увидна екипа од Полициската станица Гевгелија.
