Во вчерашната статистика на Министерството за здравство беше пријавено дека 41 лице починале од Ковид-19, од кои најмладиот имал 18 години.
Од Министерството за здравство појаснуваат дека во претходното деноноќие починале 24 пациенти, а останатите 17 од вчерашната статистика починале во приватните болници и во домашни услови, а нивното евидентирање се спроведува побавно, бидејќи тие смртни случаи се пријавуваат преку матичните лекари.
Најмладиот починат пациент, 18-годишна девојка, која во март годинава родила бебе, според Министерството за здравство, немала коморбидитети. Таа на Клиниката за инфективни болести била донесена во тешка состојба и со тахикардија.
23-годишниот пациент, пак, кој починал од Ковид-19 имал церебрална парализа, срцеви проблеми и дијабет.
Според извори на „А1он“, тројца од вчерапријавените 41 починати имале примено две дози вакцини.